Առավոտյան, Բարսելոնայի Mare de Déu dels Ángels եկեղեցում, Իսպանիայի և Պորտուգալիայի Հայ Առաքելական եկեղեցու հայրապետական պատվիրակի ընհանուր փոխանորդ Տեր Սասուն Զմրուխտյանը Սուրբ Պատարագ մատուցեց Եղեռնի անմեղ զոհերի հոգու հանգստության համար: Պատարագը ուղեկցվում էր եկեղեցական ծիսական երգերով` Շուշան Հովհաննիսյանի (սոպրանո) և Նաիրա Ուլիկյանի նվագակցությամբ:
Պատարագի խորհուրդը ավարտվելուց հետո բոլորը ուղեվորվեցին դեպի Մոնջուիկ (Monjuic), հարգանքի տուրք մատուցելու և ծաղկեպսակներ դնելու հայ-կատալունական բարեկամությունը խորհրդանշող հուշարձանի` Խաչքարի մոտ:
Ներկաները մեկ րոպե լռությամբ հարգեցին անմեղ նահատակների հիշատակը:
Մեծ եղեռնի 96 ամյակին նվիրված արարողություններին մասնակցում էին Կատալունիայում ՀՀ Պատվավոր հյուպաթոս Խուան Սան Մարտինը, Իսպանիայի Հայկական Կազմակերպությունները Համակարգող Խորհրդի նախագահ Հուսիկ Կարապետյանը, փոխնախագահ` Կարեն Հակոբյանը, Բարսելոնայի և Սանտա Կոլոմայի հայկական միությունների ներկայացուցիչները :
Արարողությունը ավարտվեց դուդուկի մելամաղձոտ հնչյունների ներքո:
0 comentarios:
Publicar un comentario